Editing Psalm פ״א

**לַמְנַצֵּּחַ:  
עַל הַגִּתִּית  
לְְאָסָף**

הַרְנִינוּ לֵאלֹהִים עוּזֵּּנוּ  
הָרִיעוּ לֵאלֹהֵי יַעֲקֹב

שְְׂאוּ זִמְרָה וּתְנוּ תֹף  
כִּנּּוֹר נָעִים עִם נָבֶל

תִּקְעוּ בַחֹדֶשׁ שׁוֹפָר  
בַּכֵּסֶה לְְיוֹם חַגֵּנוּ

כִּי חֹק לְְיִשְׂרָאֵל הוּא  
מִשְׁפָּט לֵאלֹהֵי יַעֲקֹב

עֵדוּת בִּיהוֹסֵף שָׂמוֹ  
בְְּצֵאתוֹ עַל אֶרֶץ מִצְרָיִם  
שְְׂפַת לֹא יָדַעְתִּי אֶשְׁמָע

הֲסִירוֹתִי מִסֵּּבֶל שִׁכְמוֹ  
כַּפָּיו מִדּוּד תַּעֲבֹרְנָה

בַּצָּּרָה קָרָאתָ וָאֲחַלְּּצֶךָּ  
אֶעֶנְךָ בְְּסֵתֶר רַעַם  
אֶבְחָנְךָ עַל מֵי מְְרִיבָה  
**סֶלָה**

שְְׁמַע עַמִּּי וְְאָעִידָה בָּךְ  
יִשְׂרָאֵל אִם תִּשְׁמַע לִי

לֹא יִהְיֶה בְְךָ אֵל זָר  
וְְלֹא תִשְׁתַּחֲוֶה לְְאֵל נֵכָר

אָנֹכִי יהוה אֱלֹהֶיךָ  
הַמַּּעַלְךָ מֵאֶרֶץ מִצְרָיִם  
הַרְחֶב פִּיךָ וַאֲמַלְאֵהוּ

וְְלֹא שָׁמַע עַמִּּי לְְקוֹלִי  
וְְיִשְׂרָאֵל לֹא אָבָה לִי

וָאֲשַׁלְּּחֵהוּ בִּשְׁרִירוּת לִבָּם  
יֵלְכוּ בְְּמוֹעֲצוֹתֵיהֶם

לוּ עַמִּּי שֹׁמֵעַ לִי  
יִשְׂרָאֵל בִּדְרָכַי יְְהַלֵּּכוּ

כִּמְעַט אוֹיְבֵיהֶם אַכְנִיעַ  
וְְעַל צָרֵיהֶם אָשִׁיב יָדִי

מְְשַׂנְאֵי יהוה יְְכַחֲשׁוּ לוֹ  
וִיהִי עִתָּם לְְעוֹלָם

וַיַּּאֲכִילֵהוּ מֵחֵלֶב חִטָּּה  
וּמִצּּוּר דְְּבַשׁ אַשְׂבִּיעֶךָ